LABdeMED ta hasi tèstnan di laboratorio riba petishon di bo dòkter di kas òf speshalista. Mayoria bia ta trata di un test simpel di urina, sanger òf shushi. A base di e resultado di e test dòkter ta diagnostiká.
Bo por bishitá LABdeMED tambe pa tèst di laboratorio mas spesífiko. Bou di esaki ta kai entre otro tèstnan amplio di alergia i tèst speshalisá di fertilidat. Nos ta ofresé mas di 150 diferente test.
Por sosodé tambe ku un doño di trabou of un empresa di seguro ta pidi un tèst di ‘screening’. Por ehèmpel pa un kürmentu médiko, un test di droga òf ora di sera un seguro di bida.
Bo por pidi tambe riba inisiativa propio un test na LABdeMED. Por ehèmpel pa un tèst di DNA of tèst di allergie. Seguro no ta kubri e gastunan di un tèst a base personal. Esaki bo mes mester paga.
Laga prek sanger òf entrega di material pa tèst?
Nos ke risibí bo gustosamente na un di nos 17 lokalididatnan repartí riba e isla. Pa prekmentu di sanger of entrega di urina òf shushi no tin nodi traha sita adelantá. Pa demas tèstnan i pa uso di mobil di prek sí mester traha un sita. Esaki por hasi via di 7361030 òf via mail na info@labdemed.org.
Wak aki pa e adrèsnan i orario di funshonamentu di tur nos lokalidatnan.
Formulario di laboratorio
Bo ta haña di bo dòkter un formulario di solisitut, den kua tin e tèst indiká ku bo mester laga hasi. E formulario di laboratorio aki bo ta entregá huntu ku e material di tèst na nos kolaboradónan ku ta prek. No lubidá ku bo mester bini ku un dokumento di identifikashon bálido i bo papelnan di seguro òf bo karnèt.
Tin un otro laboratorio riba bo formulario di solisitut? No ta problema, bo por bishitá nos ku kualke formulario di laboratorio. Bo ta bonbiní!
Resultadonan
Resultado di bo tèst , bo por wak online den nos portal di pashènt protehá, òf pidi esaki serka bo dòkter. Bo por konta ku na LABdeMED bo resultadonan di tèst ta konosí na tempu. Tambe den kasonan di urgensia.
Seguronan
LABdeMED ta traha huntu ku kompanianan di seguro ku ke hasi uso di nos servisionan. Na e momentunan aki esakinan ta Ennia, Citizens Insurance, Guardian Group/ Fatum, Guillen Insurance, Pan-American Life Insurance, SVB, ASKA i Sagicor Capital Life Insurance.
Kua tèstnan no ta wòrdu kubrí?
Básikamente tur nos tèstnan ta wòrdu kubrí pa seguro. Tin algun eksepshon:
- Tèst di droga
- Tèst di fertilidat
- Tèst a base personal
