Den LabdeMed tin algun speshalista, ku a gana un lugá di renombre.
Sr. Rudy A.E. Le Blanc, MMSc MBA
Direktor di Laboratorio, kímiko klíniko
Señor Le Blanc a risibí su Master diploma den Medical Science i a gradua den Clinical Chemistry na Emory University School of Medicine na Atlanta, Georgia, U.S.A. Na 2018 el a gradua den Master of Business Administration na Goizueta Business School di e mesun universidat.
Na 2012 señor Le Blanc a inisiá su karera komo direktor general na LabdeMed. Promé ku esei el a fungi e.o. komo miembro di staf i biokímiko klíniko na e departamentu Chemie/Haematologie di Landslaboratorium na kua e tabata enkargá spesialmente ku e organisashon di e aktividatnan poliklínika. Di 1993 te ku 2012 señor Le Blanc a okupá diferente posishon komo konsehero den maneho di laboratorio, direktor, miembro di staf i dosente na diferente instansha na Kòrsou, Aruba, Boneiru i Sürnam. Ademas e tabata responsabel pa Landslaboratorium Boneiru. Di 2003 te 2015 señor Le Blanc tabata hefe di laboratorio i konsehero na hòspital Fundashon Mariadal na Boneiru.
Señor Le Blanc ta registrá komo:
- Clinical Chemist na National Registry of Certified Chemists (NRCC).
- Clinical Laboratory Scientist na National Certification Agency for Medical Laboratory Personnel Inc.
- Medical Technologist na American Society of Clinical Pathologists.
Sr. Dr. Eddy G. Balentien
Imunólogo Klíniko
Na aña 1985 sr. Eddy Balentien a logra su grado di Master of Science den Imunologia Klíniko i mas despues na 1990, su grado di Doctor of Philosophy den Patologia Eksperimental na Emory University of Medicine na Atlanta, Georgia, U.S.A. El a kontinuá esaki ku un Fellowship in Clinical Immunopathology na Presbyterian University Hospital na Pittsburgh.
Di 1991 te 1999 Dr. Balentien tabata empleá komo hefe di e departamentu Imunologia na Laboratorio Nashonal. For di su inisio na LabdeMed e ta enkargá ku Investigashon & Desaroyo, meskos tambe ku garantia di kalidat.
