Den nos komunidat na skala chikí famianan, amigunan, konosínan i relashonnan di trabou ta estrechamente ligá na otro. LabdeMed p’esei tambe ta dediká èkstra atenshon na protekshon di privasidat i ta trata ku hopi delikadesa ku datonan di pashènt.
Bo por konfia tambe ku e resultadonan di bo tèst ta den mannan sigur. LabdeMed ta traha segun reglanan di privasidat di Landsverordening Bescherming Persoonsgegevens (LBP) i di Algemene Verordening Gegevensbescherming (AVG), stablesé ofishalmente.
Prosesá datonan
Si bo ta hasi uso di nos servisionan, e orei nos ta prosesá bo datonan. Esaki ta enserá ku nos ta solisitá bo informashonnan médiko i personal, warda esakinan, kompletá nan i si esaki ta nesesario, suministrá esakinan na dunadónan di kuido i na aseguradonan segun protokòl.
Portal di pashèntnan
Komo pashènt di labdeMed, bo por hasi uso di nos portal pa pashènt. Esaki ta un base di data protehá, unda bo por mira den bo registro médiko ku informashon personal i resultadonan di tèst, na e momentu ku abo ta deseá. Aki tambe bo privasidat naturalmente ta kompletamente garantisá.
Materia di tèst
Naturalmente e informashonnan di e pashènt, tokante material di tèst ta konfidenshal. Nos no ta warda muestranan mas largu ku ta nesesario i ta destruí esakinan na un manera sigur. Tuma kontakto trankilamente via +5999 7361030 òf hasi bo pregunta via nos formulario die kontakto.
