Kada formulario di laboratorio ta bonbiní serka nos
Info pre-bishita
Pa por hasi bo bishita na LabdeMed mas plasentero posibel, nos a pone algun pregunta i nan kontesta band’e otro. Asina bo por prepará bo mes bon pa e tèst di laboratorio.
Primi riba e pregunta pa bo por deskubrí e kontesta korespondiente.
Kada formulario di laboratorio ta bonbiní serka nos. Bo por bini serka nos ku kada formulario di laboratorio. Tambe si bo dòkter òf speshalista ta biba den eksterior, òf si bo no ta deseá di bai otro laboratorio.
Bo dòkter ta marka riba e formulario di laboratorio kua tèst abo mester laga hasi. Mayoria bia ta trata di un tèst normal di sanger, urina òf sushi. Porta tambe ku mester tèst spèrma òf otro parti di e kurpa.
Pa tèstnan normal, manera prek sanger òf entrega di urina òf sushi, no tin nodi di traha un sita delantá. Bo por pasa manera ta kumbiní bo mihó. Pa tur demas tèst i pa uso di laboratorio móbile bo sí mester traha un sita, esaki por sosodé na +5999 7361030 òf via nos formulario di kontakto.
Mester bini ku e formulario di laboratorio, un dokumento di identifikashon bálido i papelnan di seguro. Si bo mester laga tèst tambe urina, sushi i spèrma, bo tin ku bini tambe ku bo material di tèst.
Muestranan di urina, sushi òf spèrma, bo por entregá den un pòchi, speshal destiná pa esei. E pòchinan aki por tuma serka nos promé. Pa rekohé urina, bo por baha aki e instrukshonnan. Si bo tin ku laga hasi un análisis di spèrma, pa un tèst di fertilidat ta nesesario, ku tres dia promé ku e test, pa no tene relashon seksual.
Ta tuma bo sanger rápido i profeshonal, dor di un di nos kolaboradónan outorisá ku ta prek sanger. Ta rekohé e sanger den tubu ku dòpinan di diferente koló, pa indiká kua análisis ta nesesario. E tubunan ku sanger, ta haña un seyo ku e datonan di e pashènt, ku ta kontrolá na vários okashon estriktamente. Den esei nos ta sòru naturalmente ku bo privasidat ta keda garantisá. LabdeMed ta funshoná segun kriterianan sertifiká internashonalmente i ta garantisá un forma kompletamente sigur di tèst sanger.
Pa mayoria tèst bo mester keda na yuna. Keda na yuna ta nifiká ku por lo ménos 8 ora i pa mas tantu 10 ora promé ku e tèst di sanger òf e rekohementu di urina, bo no tin mag di kome, bebe ni huma. Si bo hasi esaki tòg, e por influenshá e tèst. Por bebe awa sí.
Bo ta deseá di sa mas? Tuma kontakto ku nos libremente via +5999 7361030 òf hasi bo pregunta via nos formulario di kontakto.
Ku nos app plasentero pa usa bo por haña informashon lihé tokante nos servisionan. Manera lokalidat di prek, orario, resultadonan di tèst i botikanan na warda. Download e LdMApp den e App Store òf den Google Play Store awor! Bo ke sa mas? Yama nos ofisina prinsipal na (+ 5999 7361030) òf pasa tuma e foyeto na un di LabdeMed su lokalidatnan di prek.
