Prek sanger na kas?
Bo mes no por yega na un di nos unidatnan di prek òf bo no ta mobil pa un òf otro motibu? E orei bo por hasi uso di nos servisio di laboratorio móbil. Segun sita un di nos kolaboradónan ta bin kas serka bo pa prek bo.
Traha sita
Pa laboratorio móbil, bo mester traha un sita delantá. Esaki por via telefòn na 7361030. Òf manda un mail na info@labdemed.org, nos ta tuma kontakto ku bo.
Papelnan nesesario
Pa prekmentu na kas bo tin mester di e mésun papelnan ku ta nesesario na e lokalidatnan di prek:
- E formulario di solisitut di bo dòkter, riba kua tin indiká kua tèst mester hasi.
- Un dokumentu di identifikashon bálido
- Bo papelnan di seguro òf karnèt
Por hasi uso di laboratorio móbil di LabdeMed tambe si tin un otro nòmber di otro laboratorio indiká riba bo formulario di solisitut.
Resultadonan
Bo por wak e resultado di bo tèst online den nos portal di pashèntnan protehá, òf bo por pidi e resultado serka bo dòkter di kas. Bo por konta ku bo resultadonan di tèst ta konosí na tempu. Tambe den kaso di urgensha.