LabdeMed ta un laboratorio médiko inovativo na Kòrsou, ku ta ofresé tèstnan di laboratorio di kalidat i nivel haltu for di 1979. Pashèntnan, empresa- i profeshonalnan médiko, por aserká nos pa mas di 150 tèstnan normal i avansá. Ku 16 lokalidat rònt Kòrsou. LabdeMed ta fásilmente aksesibel. Tambe pa pashèntnan, ku pa rasonnan médiko no por yega nan mes, na nos unidatnan di prek. Nan por hasi uso di nos servisio mobil di prek.
Banda di nos tèst di laboratorio normal, nos ta speshalisá den un kantidat di métodonan di tèst avansá.
Primi riba e tèst pa bo por lesa e splikashon korespondiente.
LabdeMed ta para pa kalidat, klaridat & inovashon
Nos servisio ta transparente: nos ta hasi loke nos ta primintí. Asina nos por ofresé nos pashèntnan i nan dòkter seguridat i kalidat optimal. Empresanan tambe por konta riba un servisio rápido i profeshonal. E mishon aki, LabdeMed por realisá danki na e esfuerso i dedikashon di e tim profeshonal.
Komo un laboratorio pa komunidat responsabel, LabdeMed ke duna un aporte positivo na un Kòrsou mas salú. Ta p’esei tambe nos ta sigui inová kontínuamente den nos servisio. Huntu ku esei ta kuadra tambe nos ròl aktivo, pa ku prevenshon den kuido di salubridat na Kòrsou. Asina nos ta organisá regularmente kontrol di salú grátis na nos lokalidatnan i nos ta emití nos propio revista di salú: Mi Salú.
Akreditashon
LabdeMed for di ougùstùs 2018 tin akreditashon, segun normanan di kalidat rekonosé internashonalmente. E akreditashon ISO 15189 ta indiká ku LabdeMed ta sigui un maneho konsistente di kalidat riba e tereno di servisio, maneho atministrativo, proseduranan operashonal, kompetensia tékniko i analítiko di e personal, inovashon i kuido di kliente.
Bo tin pregunta tokante nos servisio? Tuma kontakto via +5999 736 1030 òf hasi bo pregunta via di nos formulario di kontakto
