Pa LABdeMED ta importante ku abo komo kliente tin akseso den bo archivo médiko. Aki den tin bo informashon personal i e resultadonan di bo tèstnan di laboratorio. Bo por wak e resultadonan online na un momentu ku ta mas mihó pa’bo. Asina bo no tin nodi di warda sin tin mester riba bo resultado i bo ta mihó prepará riba e kòmbersashon ku dòkter di kas òf bo speshalista.
Akseso
Komo kliente di LabdeMed bo por hasi uso di nos portal pa pashèntnan protehá. Naturalmente mester sigui algun stap promé. Aki bou bo ta lesa kon bo ta haña akseso na e serviso on line gratis akí.
Paso 1 – Mèldu na ofisina prinsipal
Mester presentá personalmente na resepshon na nos ofisina prinsipal. Pa por garantisá bo privasidat, ta nesesario pa bo legitimá bo mes ku un dokumentu di identifikashon bálido. Despues ku a yena e formulario di registrashon, por mèldu online den e portal di pashènt di LABdeMED.
Paso 2 – Registrá online
Mester registrá promé. Via di e konekshon mas abou, bo ta yega na e pantaya di akseso unda bo ta yena bo emailadrès. Denter di algun minüt bo ta risibí un mail di konfirmashon ku un konekshon pa bo aktivá bo kódigo di akseso.
Paso 3 – Aktivá bo kódigo di akseso
Via di e konekshon den e mail di konfirmashon, bo ta aktivá bo propio kódigo di akseso, ku kual bo por drenta di awor pa dilanti. Den kaso bo lubida bo kódigo di akseso, bo por pidi un kódigo di akseso nobo via di e tab “Forgot Password”.
Paso 4 – Drenta i usa portal di pashènt
Bai na pantaya di akseso via e boton di entrada riba e página akí. Ku bo emailadrès i bo kódigo di akseso bo ta haña entrada na bo archivo personal den kua tin tur bo resultadonan di laboratorio na un manera visibel.
Konsulta ku dòkter di kas òf speshalista
Nos ta konsehá seriamente pa bo repasá bo resultadonan ku bo dòkter di kas of speshalista. E tin akseso na e informashon kompletu ku ta nesesario pa kontrolá bo salú. Tèstnan ku tin resultado di impakto, na promé instansia no ta aparesé den portal di pashènt.
Base di dato protehá
Bo privasidat ta kompletamente garantisá den e área protehá di nos portal di pashènt. LABdeMED ta apliká reglanan di privasidat di Lei Protekshon Informashonal Personal i Lei General di Protekshon di Dato [Landsverordening Bescherming Persoonsgegevens (LBP) & de Algemene Verordening Gegevensbescherming (AVG).]
Pregunta
Bo tin pregunta tokante uso di e portal di pashènt of problema di akseso? Tuma kontakto ku un di nos kolaboradónan via 736 1030 òf info@labdemed.org
