LabdeMed ta hasi tur posibel pa bo bishita na un di e lokalidatnan resultá mas plasentero posibel. Nos ke tende gustosamente kiko bo ta spera di nos servisio. Bo ta satisfecho, bo tin un sugerensia òf kisas un reklamo. Laga nos sa. Ku bo opservashonnan nos por sigui mehorá nos servisio.
Sugerensia òf kòmplimènt?
Bo ta un pashènt, empresario òf un profeshonal médiko i bo tin ideanan pa por mehorá e kuido na nos laboratorio? Esei tambe gustosamente nos ke tende. Pa esaki bo por usa e formulario Sugerensia òf kòmplimènt.
Reklamo
Nos kolaboradónan ta hasi nan esfuerso pa por atendé bo lo mihó posibel. Sinembargo por sosodé ku bo no ta kompletamente satisfecho ku nos servisio. Nos ta konsehá bo pa na promé lugá atendé bo reklamo ku esun (esnan) konserní. Atendé huntu ta yuda. Den hopi kaso e reklamo por haña solushon asina.
Agente di kalidat
E reklamo no ta haña solushon òf bo ta haña ku no a atendé bo reklamo debidamente? E orei bo por entregá bo reklamo serka nos agente di kalidat. Pa esaki, por hasi uso di e formulario di reklamo. E formulario di reklamo yená ta yega dirèkt serka e agente di kalidat di LabdeMed i ta trata esaki di forma konfidensial.
Bo ta preferá di atendé bo reklamo via telefòn? Tuma kontakto e orei ku nos agente di kalidat via +5999 736 1030, riba dianan di trabou di 08:00 te 12:00 or.
